|
|
Articles: Devotion | శరణాగతి - Site Administrator
| |
ఓ సాయి సమర్థా! సకల కిల్బిషాలు నిర్మూలించగల నీ దివ్య చరణారవిందాలను ఆశ్రయించాను. దేవా! నా అవగుణాలు పరిగణించి నిరాదరించక దయతో నన్ను కాపాడు. ఓ దయాఘనా! సాయిదేవా! నేను దీనుణ్ణి, హీనుణ్ణి, అజ్ఞానిని, మహాపాపిని, దుష్కర్మాసక్తుణ్ణి, సకల దుర్గణాలు ఉన్నవాణ్ణి అయినప్పటికీ నన్నుపేక్షించకు. దీనబంధూ! గ్రామగ్రామల నుంచీ వచ్చి తనలో కలిసే మురికి కాలువలను గోదావరి నది తిరస్కరిస్తుందా! పరుశవేది ఇనుములోని దోషాలను పరిగణిస్తుందా! ఓ అనాథనాథా! నీవు పరుశవేదివి. నేను పాపాత్ముడనని నన్ను విడువకు. నీ దరి చేర్చుకో. నాలో ఎన్నో కల్మషాలున్నాయి. ఓ పతితపావనా! నీ కరుణాకటాక్ష వీక్షణాలు నాపై ప్రసరించి వాటిని తక్షణమే సమూలంగా నిర్మూలించు. ఇదే ఈ దాసుని విన్నపం.
ఓ సాయి గురువరా! పరుశవేది తాకిన తరువాత కూడా ఇనుము బంగారంగా మారకుండా ఇనుముగానే మిగిలిపోతే ఆ లోపం దేనిది? పరుశవేదిది కాదా! అందుచేత నాలో పరివర్తన కలగకపోతే ఆ లోపం ఎవరిది? (కనుక మాలోని మాలిన్యాలను పోగొట్టి మమ్ములనుద్ధరించు). బాబా! దీనబంధూ! నా భాగ్య ప్రదాత మీరే. నన్ను పాప విముక్తుణ్ణి చెయ్యండి. నన్ను పవిత్రుడిగా చేయలేదన్న అపకీర్తి మీకు రాకూడదు. మీరు పరుశవేది - నేను ఇనుపముక్క లాంటివాణ్ణి. అందుచేత అది మీ బాధ్యత కూడా. సాయిమాతా! బిడ్డలు తప్పు చేయడం సహజమే. కాని తల్లి కొపగించుకొంటుందా? వాళ్ళను లాలించి ప్రేమగా చేరదీయదా! అదేవిధంగా నన్ను కరుణించు. నాపై కోపించకు.
ఓ సమర్ధ సద్గురూ! మీరు మా కోరికలు తీర్చే కల్పతరువు. ఈ భవసాగరాన్ని దాటించే 'నావ' మీరే. ఏ సందేహం లేదు. ఓ సాయినాథా! నీవే కామధేనువు. నీవే జ్ఞానాకాశంలో ప్రకాశించే భాస్కరుడవు. నీవే సద్గుణాల నిధి. స్వర్గధామం చేర్చే సోపానం కూడా నీవే. ఓ పరమపావనా! పుణ్యపురుషా! ఓ శాంతస్వరూపా! ఆనంద నిలయా! చిత్స్యరూపా! పూర్ణావతారా! భేదవర్జితా! జ్ఞానసింధూ! వందనం. ఓ విజ్ఞానమూర్తీ! పురుషోత్తమా! క్షమ, శాంతి నిలయమా! భక్తలోక విశ్రాంతి ధామమా! మమ్ములను అనుగ్రహించండి. మీ కృప మాపై వర్షించండి.
| Read 1 Comment(s) posted so far on this Article!
| |
|
|
|
|
Advertisements |
|
|
|
Advertisements |
|