|
|
Articles: Poetry | పరకాయ ప్రవేశం - Mr. Devender Chintala Devender
| |
నాదైన జీవితం నిదానంగా
ప్రగతి నినాదమై నన్ను శాసిస్తుంది
నాది కాని జీవితం
జీతంలోని హెచ్చుతగ్గుల్ని
బేరీజు వేసుకుంటుంది
మొదటి జీవితం
రెండో దాన్తో సంయమనం కాలేక
రోజూ ఊగిసలాడ్తుంది
పట్టూ విడుపులకి చాన్సే లేదన్నట్టుగా.
నాలో నేను తర్కించుకునే వేళ
నాలో నేను ఆవహించుకునే తరుణాన
నాలో లేని నేను కోసం
నిరంతరం అన్వేషణ.
శోధిస్తే గాని లభ్యమవదని తెల్సి కూడా
నాలోని అహం,
నాలోని బద్ధకం మూలాన
మూలాల్లోకి వెళ్తే గాని
నన్ను నేను తెల్సుకోలేను
నాకు నేను అవగతం కాలేను.
నాలోని జ్ఞాపకాలు
ఒక్కొక్కటిగా రూపుమాసిపోతున్నాయి
అందుకే కావాలి
నాలో నేను పరకాయ ప్రవేశం
| Be first to comment on this Article!
| |
|
|
|
|
Advertisements |
|
|
|
Advertisements |
|