|
|
Articles: Time Pass | బౌద్ధ మార్గం - Venkateswara Rao Madu
| |
(ఈమని శివనాగిరెడ్డి)
దు:ఖాన్ని ఎడబాపి, శాశ్వతానందాన్నిచ్చే నిబ్బాణాన్ని (నిర్వాణాన్ని) పొందటం కోసమై, బుద్ధుడు బోధించిన పంచశీల, అష్టాంగ మార్గాలను ఆచరించటానికి బౌద్ధ భిక్షువులై అడవులకు పోనక్కరలేదు. మామూలు జీవితం గడుపుతూ, ఎవరి పనులు వాళ్లు చేసుకొంటూ సాధారణ గృహస్తులు సైతం ఆచరించి కళ్ల ముందే చిక్కుల్లేని సుఖమయ జీవితాన్ని అనుభవించవచ్చు. కుల, మత, వర్గ, వర్ణ, ఆడ, మగ, జాతి, వయస్సు తేడా లేకుండా అందరికీ ఆచరణీయమైన `ధమ్మాన్ని' అందించాడు సిద్ధార్థ గౌతముడు. ఈ ప్రపంచమంతా దు:ఖమయమనీ, కనిపించే ప్రతి పదార్థం, జీవి, నశించే స్వభావం కలిగి ఉందనీ, ప్రతి జీవి మరో జీవి పైన, ప్రతి పదార్థం, మరో పదార్థం పైన ఆధారపడి ఉంటుందనీ, దు:ఖ నిరోధానికి ఒక చక్కటి మార్గాన్నందించిన బుద్ధుడు ప్రపంచ మానవాళికి మార్గదర్శిగా గుర్తింపు పొందాడు.
గృహస్తులైన ఉపాసకులకు కొన్ని పరిమితులుంటాయి. కుటుంబపరమైన బాదరబందీలు లేని, ధార్మిక ప్రగతిని సాధించిన భిక్షువులకయితే - ఇతరులకు సేవ చేసే అవకాశాలెక్కువ గాబట్టి అనగారిక భిక్షు జీవితాన్ని బుద్ధుడు ప్రోత్సహించాడు. కేవలం భిక్షువులకే కాక, చక్కటి సామాజిక బంధాలతో గృహస్తులు ఎలా సుఖమయ జీవితాన్ని గడపవచ్చో సిగాలోవాద సుత్తంలో బోధించాడు. సంపన్న గృహస్తుడైన సిగాలునికి తల్లితండ్రుల సంబంధం, గురు శిష్యుల సంబంధం, వైవాహిక సంబంధం, బంధుమిత్రుల సంబంధం, యజమానీ సేవకుల సంబంధం, శ్రమణ బ్రాహ్మణులూ, ఉపాసకుల సంబంధాలను పుణ్య కర్మలను చేస్తూ, ధార్మిక మార్గంలో నడిచే జీవన విధానాన్ని అందించాడు.
ఇంకా, గృహస్తుల సుఖ సంతోషాల కోసం, ఉట్ఠాన సంపదా, ఆరక్ఖ సంపదా, కళ్యాణమిత్తా, సమజీవికత అనే మరో నాలుగు విధానాలను బోధించాడు. వివిధ వృత్తులను నమ్ముకున్నవాళ్లు, ఆ వృత్తి పట్ల గౌరవంతో పాటు, అందులో నైపుణ్యం, చేయగల సమర్థతలను కలిగి ఉండటాన్ని ఉట్ఠాన సంపద అంటారు. ధర్మబద్ధంగా సంపాదించిన ఆస్తులను కాపాడుకోవటాన్ని అరక్ఖ సంపద అంటారు. విద్యా దాన శీల గుణవంతులై, విశ్వాసంతో సన్మార్గంలో జీవించే మంచి స్నేహితులను కలిగి ఉండటాన్ని కళ్యాణమిత్తా అంటారు. ఆదాయానికి లోబడి, ఉన్నదానిలోనే ఇతరుల అవసరాలకు ఆసరాగా ఉంటూ జీవించటాన్ని సమజీవకత అంటారని తధాగతుడు చెప్పాడు.
| Be first to comment on this Article!
| |
|
|
|
|
Advertisements |
|
|
|
Advertisements |
|