|
|
Articles: TP Features | సంక్షోభానికి కారణం ఎవరు? - Site Administrator
| |
(సుమంత్)
తెలంగాణా రాష్ట్రం ఏర్పాటుకు కేంద్ర సమ్మతించడం తెలంగాణాలో ప్రజలలో ఉత్సాహం నింపింది. కానీ అటు కోస్తా, రాయలసీమలలో విభజన ప్రకటనతో అగ్గి రాజుకుంది. రాజీనామాల పర్వం ఊపందుకుంది. విద్యార్థులు, నాయకులు, పౌర సంఘాలు అందరూ ఒక్కసారిగా ఆందోళనలు చేపట్టారు. దీనికి కారణం మీరంటే మీరని కాంగ్రెస్, తెలుగుదేశం, ప్రజారాజ్యం ఒకరిని ఒకరు దూషించుకోవడం మొదలుపెట్టాయి. రాజీనామాలలో 'పోటీ రాజకీయాలు' నెలకొన్నాయి. రాష్ట్ర విభజన కాంగ్రెస్ పాపమే అంటూ తెలుగుదేశం ఈ ఇష్యూని ఎక్కడ హైజాక్ చేస్తుందో అని కాంగ్రెస్ నాయకులు ముందుగానే రాజీనామాలు చేశారు. తెలుగుదేశం పార్టీకి కనీసం ఆ అవకాశాన్ని కూడా ఇవ్వకుండా సమైక్య ఆంధ్ర నినాదంతో తమ ఓటు బ్యాంకును స్థిరపర్చుకునేందుకు సిద్ధమయ్యారనటంలో ఏ మాత్రం సందేహం లేదు. తెలుగుదేశం కూడా అంతకు అంత కష్టపడుతూనే ఉంది.
అయితే ఈ సంక్షోభానికి కారణం ఎవరో తెలుసుకోవాలంటే ముందుగా మనం సమస్యకు దారితీసిన వరుసగా జరుగుతున్న సంఘటనలను గమనించాల్సి ఉంటుంది. తెలంగాణపై ముందుగా సమ్మతి తెలిపిన పార్టీ కాంగ్రెస్. 2004 సంవత్సరంలో తెరాసతో కలిసి పోటీచేసి విజయం సాధించిన తరువాత వైఎస్ వ్యతిరేకత వల్ల కావచ్చు, లేదా వ్యూహాత్మకంగా కావచ్చు తెలంగాణా పట్ల ఉదాశీనంగా వ్యహవరించింది కాంగ్రెస్ అధిష్టానం. ఈ ఉదాశీనత టిడిపిలో సమైక్య ఆంధ్ర విషయంలో ఒక రకమైన భద్రతా భావాన్ని కలిగించిందనే చెప్పాలి. తెలంగాణపై నిర్ణయం వెలువరించడంలో కాంగ్రెస్ అధిష్టానం చేసిన తాత్సారం తెలుగుదేశం పార్టీని బోల్తా కొట్టించిందనడంలో సందేహం లేదు. అది కాంగ్రెస్ వ్యూహాత్మకమే కావచ్చు. తెలంగాణా తేనెతుట్టెను కదపడానికి కాంగ్రెస్ అధిష్టానం సిద్ధంగా లేదనే ఒక భావం టిడిపిలో కలిగించింది.
ఎలాగూ కాంగ్రెస్ తెలంగాణా ఇవ్వడానికి సిద్ధంగా లేదని, కాబట్టి తాను వ్యతిరేకించి తెలంగాణా ప్రజల దృష్టిలో వ్యతిరేకత ఎందుకు పెంచుకోవాలని టిడిపి తెలంగాణ రాష్ట్ర ఏర్పాటుకు సై అన్నది. ఈ భావం ఒక్క టిడిపిలోనే కాదు కాంగ్రెస్ శ్రేణుల్లో కూడా కలిగింది. ఎట్టి పరిస్థితుల్లోనూ అధిష్టానం తెలంగాణకు అనుకూలం కాదు అని కాంగ్రెస్ నాయకులు కూడా నమ్మారు. ఈ స్థితిలో కేసీఆర్ దీక్షకు పూనుకోవడం, ఉద్యమం పతాకస్థాయికి చేరడం, భారత ప్రభుత్వం తెలంగాణా ఏర్పాటుకు ఓకే చెప్పేయడం అన్నీ వెంటవెంటనే జరిగి పోయాయి.
| Read 3 Comment(s) posted so far on this Article!
| |
|
|
|
|
Advertisements |
|
|
|
Advertisements |
|