|
|
Articles: TP Features | బౌద్ధం మానసిక ఔషధం - Site Administrator
| |
అహంకార నిర్మూలనమే జీవన నిర్మాణం. నిర్మాణానికి దారి చూపించేవి నాలుగు మహోన్నత సత్యాలుగా బుద్ధుడు కనుగొన్నాడు. ఒక మనిషి ద్వారా మరో మనిషికి దుఃఖం కలిగించేది అది మతమైనా, రాజ్యామైనా, అచారమైనా మరొకరిని పీడించే ధర్మాన్ని బుద్ధుడు నిరాకరించాడు. దీన్నే అస్పృశ్య నిర్మూలనకు కూడా అంబేడ్కర్ ఆయుధం చేశారు. బుద్ధుడు, అంబేడ్కర్ ఇద్దరిలోను సామాజిక దుఃఖానన్ని నివారించాలనే భావనే వర్ణాధిపత్య భావాన్ని పూర్వపక్షం చేయగలిగింది. అనేక మతాలు చెప్పదలచుకొన్నవేమో చెప్పాయి. వాటి మీద పరిశోధనలు పెద్దగా జరగడంలేదు. బౌద్ధం మీద మాత్రం నిరంతర అన్వయాలు, పరిశోధనలు జరుగుతున్నాయి. ఇది మానవ శాస్త్రం. అందుకే కొత్త కొత్త కోణాలు ఆ విషయంలో ఆవిష్కృతమౌతున్నాయి.
'పీటర్ హార్వే - ఏన్ ఇంట్రడక్షన్ టు బుద్ధిజం' అనే గ్రంథంలో '2500 సంవత్సరాల చరిత్ర గలిగిన బౌద్ధం ఈనాటి ప్రపంచంలో సగభాగాన్ని ప్రభావితం చేయగలిగింది' అన్నారు. యుద్ధాల ద్వారా విస్తృతం చెందిన మతాలే ప్రపంచంలో ఎక్కువ. బౌద్ధం త్యాగాలను ధారబోస్తూ వెళ్ళింది. అన్ని ప్రపంచ భాషల్లో ముఖ్యంగా పాళి, సంస్కృత భాషల్లో భారతదేశంలోనూ, శ్రీలంక, బర్మా, సయాం, కంబోడియా, టిబెట్టు, చైనా, కొరియా, మంగోలియా, జపాన్ దేశాల్లో ఆయా భాషల్లోకి బౌద్ధం తర్జుమా అయి, ఆయా దేశీ సంప్రదాయాల్లోకి చొచ్చుకుపోవడానికి కారణం, విశ్వవ్యాపితమైన లక్షణాలు, సూత్రాలు, ఆచరణలు బౌద్ధంలో ఉండడమే.
క్రైస్తవ ధర్మంలోని అేక అంశాల మీద బౌద్ధ ధర్మ ప్రభావం ఉంది. బ్రహ్మచర్య జీవనం, ఇంద్రియ నిగ్రహం, శాంతి మార్గం బౌద్ధం వల్ే క్రైస్తవంలోకి వచ్చాయి. బౌద్ధం వైయక్తిక ప్రే, కామం కంటే ఇతరులకు సేవ చేసే గుణంతో పాటు విశ్వ ప్రేమ గొప్పదని చాటింది. బౌద్ధ వ్యక్తిత్వ శిల్పంలో వైయక్తిక కామం నుంచి నందుడు విముక్తం అయ్యే దృశ్యంలో
సకామ రాగేణ నిగృహ్యమాణః
ధర్మాను రాగేణ చకృష్మమాణః
జగాయ దుఋఖేన వివర్త్యమానః
..........ప్రతిసోత ఇవాపగాయా
(సౌందరనందం - పుట - 14)
అశ్వఘోషుడు ఈ శ్లోకంలో సుందరి యందు అనురక్తుడైన నందుడికి బౌద్ధ ధర్మంవైపు మరలడానికి తనలో తనకు జరిగిన ఘర్షణను చిత్రించారు. బౌద్ధ ధర్మ ప్రవర్తనలో నందుడు ఎంతో గొప్ప బోధకుడిగా వెలుగొందాడు. అంతకు ముందు ఆయన సుందరి ప్రేమ అనే కామంలో మునిగి తేలుతున్నాడు. బుద్ధుని పిలుపు ఈ ఘర్షణకు గురిచేసింది. ఇది భారతీయుల్లో పెక్కు మందికి వర్తిస్తుంది. సతికో, ప్రియురాలికో అనురక్తులవ్వడం, అందుండి సమాజసేవ, విశ్వమానవ ప్రేమకు పరివర్తితం కావడం ఒక ఘర్షణతో కూడుకున్న పని. దీనిలో చాలా మంది అపజయం పాలవుతున్నారు. దీనికి తోడు వ్యక్తిగత ఆస్తి సిద్ధాంతం, దేశాన్ని సర్వస్వం దోచి నా బిడ్డలకే పెట్టుకోవాలనే భావనకు బౌద్ధ జీవన విధానం భిన్నమైంది.
| Be first to comment on this Article!
| |
|
|
|
|
Advertisements |
|
|
|
Advertisements |
|