|
|
Articles: TP Features | ధిక్కారమున్ సైతునా... - Site Administrator
| |
1971లో కోర్టు ధిక్కరణ చట్టం ప్రకారం 'కోర్టు ధిక్కరణ' అంటే సివిల్ ధిక్కరణ కాని క్రిమినల్ ధిక్కరణ కాని అయి ఉంటుంది. ఎవరైనా ఉద్దేశపూర్వకంగా న్యాయస్థానం ఉత్తర్వులను ఉల్లంఘించినా లేక న్యాయస్థానానికి ఇచ్చిన హామీని నిలబెట్టుకోలేకపోయినా సివిల్ ధిక్కరణ కిందకు వస్తుంది. క్రిమినల్ ధిక్కరణ నిర్వచనం మాత్రం చాలా విస్తృతంగా ఉంది.
ఏదైనా చర్య ద్వారా లేక ఏ విషయంపైనైనా ప్రచురణ (మౌఖికం కాని, రాతపూర్వకంగా కాని, సంజ్ఞల ద్వారా కాని, ప్రదర్శన ద్వారా కాని లేక వేరే విధంగా) ద్వారా
1. న్యాయస్థానాన్ని కళంకితం చేసినా లేక చేయబూనినా లేక దాని స్థానాన్ని దిగజార్చినా లేక దిగజార్చే విధంగా ప్రవర్తించినా లేక
2. న్యాయస్థానంలో విచారణకి సంబంధించిన వ్యవహారంలో తలదూర్చినా లేక ప్రభావితం చేయచూపినా లేక
3. న్యాయాన్ని నిర్వర్తించే విషయంలో జోక్యం చేసుకున్నా లేక జోక్యం చేసుకోవాలని చూసినా లేక న్యాయనిర్వణలో అడ్డుతగిలినా లేక అడ్డుతగలాలని ప్రయత్నించినా అది క్రిమినల్ ధిక్కరణ కిందకు వస్తుంది.
క్రిమినల్ ధిక్కరణ కిందకు కేసు తీసుకోదలిస్తే న్యాయస్థానం దానంతట అది కాని, అడ్వకేట్ జనరల్ ద్వారా కాని, ఆయన అనుమతితో వేరొక వ్యక్తి ద్వారా కాని తీసుకోవచ్చు. కింది కోర్టుల విషయంలో క్రిమినల్ ధిక్కరణ జరిగితే ఆయా కోర్టుల నివేదిక ఆధారంగా కాని, అడ్వకేట్ జనరల్ ద్వారా కాని తీసుకోవచ్చు.
న్యాయస్థానాల్లో సివిల్ ధిక్కరణ కేసులు ఎక్కువగా దాఖలు చేసినా శిక్షపడేవి తక్కువే. ఎందువల్లనంటే చివరి నిమిషంలో అమలు జరిపినా కూడా ధిక్కరణ చర్యలు వదిలివేయడం జరుగుతుంది. ఎవరైనా ఉద్దేశపూర్వకంగా తెలుసుండి ఉత్తర్వులను ధిక్కరిస్తే తప్ప శిక్షవేయడం జరగదు. ఇది అలుసుగా తీసుకొని చాలామంది అధికారులు చివరి నిమిషం వరకు కోర్టు ఉత్తర్వులు అమలు చేయకుండా ప్రజల్ని ఇబ్బందికి గురి చేస్తున్నారు. ఒక్కోసారి న్యాయమూర్తుల వైఖరిని గమనించి కూడా అధికారులు కోర్టు ఉత్తర్వులు అమలు చేస్తూ ఉంటారు. ఇది అదనుగా చూసుకొని అధికారులు ఏదో సాకుతో ఉత్తర్వుల అమలు ఆలస్యం చేసి తమకు అనుకూలంగా లేని ప్రజల్ని వేధించడం పరిపాటైంది. ఈ విషయంలో న్యాయస్థానాలు కఠినవైఖరి అవలంబిస్తే తప్ప సకాలంలో ఉత్తర్వులు అమలయ్యే పరిస్థితి లేదు.
| Be first to comment on this Article!
| |
|
|
|
|
Advertisements |
|
|
|
Advertisements |
|