'ఏమాయ చేసావె' రివ్యూ
ప్రేమనేదే ఓ మ్యాజిక్. దీనికి వయసుతో సంబంధం లేదు. కులగోత్రాలు, మత భేదాలతో పని అసలే లేదు. ఇది పిన్నల వాదం. సరిగ్గా పెద్దలకు గిట్టని పాయింట్ కూడా ఇదే. చిన్నప్పుడు చేయి పట్టుకుని నడిచిన పిల్లలు ముక్కూముఖం తెలియని వాళ్ల చేయి పట్టుకుని వెళ్లిపోతానంటే పెద్దలు జీర్ణించుకోలేరు. అబ్బాయి కంటే అమ్మాయి వయసులో పెద్దదైనా, ఇద్దరి కులాలు వేరైనా పెద్దలు ఎదురు తిరుగుతారు. పిల్లలు ఎప్పుడూ పిల్లలుగానే ఉండిపోతారా, వారికంటూ అభిరుచులు, సొంత నిర్ణయాలు ఉండకూడదా అనేది టీనేజ్ ప్రేమికుల వాదన. అయితే నిజమైన ప్రేమికులు కొద్దికాలం ఓపికపట్టి పెద్దల్ని ఎలాగో ఒప్పించగలగితే ఆ తర్వాత వచ్చే పరిణామాలు ఎలాంటివైనా ఎవరూ పశ్తాత్తాప పడాల్సిన అవసరం ఉండదు. కాస్త అటూ ఇటూగా చాలా ప్రేమకథలు ఈ లైన్స్ లోనే ప్రేక్షకుల ముందుకు వస్తుంటాయి. క్లాస్ డైరెక్టర్ గా పేరున్న గౌతమ్ వాసుదేవ మీనన్ ఈ లైన్స్ లోనే ఓ హార్ట్ ఫుల్ లవ్ స్టోరీని నేచురల్ గా తెరకెక్కించేందుకు చేసిన సిన్సియర్ ప్రయత్నమే 'ఏమాయ చేసావె'. టైటిల్ రోల్స్ నుంచి గౌతమ్ ఏదో మ్యాజిక్ చేయబోతున్నాడనే ఫీలింగ్ కలుగుతుంది. నిజానికి గౌతమ్ ఎంచుకున్న ఇలాంటి కథతో ఇవాల్టి జనరేషన్ లో సినిమా తీయాలంటే ఏ నిర్మాతకైనా చాలా గట్స్ ఉండాలి. ఎక్కడా కమర్షియల్ అంశాలు జోలికి వెళ్లకుండా రెండున్నర గంటల సేపు ప్రేక్షకులను కుర్చీల్లో కూర్చోబెట్టాలంటే ముందుగా దర్శకుడుకి సరైన విజన్ ఉండాలి. ఓ ఆంధ్ర కుర్రాడు, ఓ మలయాళి అమ్మాయి మధ్య గౌతమ్ కథను నడుపుతూ అలెప్పీ లాక్కెళ్లి అక్కడ విరివిగా మలయాళ పదాలు దొర్లించి, వాటిని తెలుగు సబ్ టైటిల్స్ లో చూపించడం వల్ల ప్రేక్షకుడు ఏమిటిదంతా అనే అసహనానికి గురవుతుంటాడు. మళ్లీ ఇంతలోనే గౌతమ్ చేసే 'మ్యాజిక్'కు డంగైపోతుంటాడు. కళ్లతో చూడటం మానేసి మనసుకు పని చెబుతాడు. మెదడుకు పని చెప్పడం మానేసి హార్ట్ కు కనెక్ట్ అయిపోతాడు. సరిగ్గా గౌతమ్ కోరుకున్నది..జరిగింది కూడా అదే.
Read 5 Comment(s) posted so far on this News / Article!
Pages: 1 -2- -3- -4-
|